البحث عن شغل: نصائح مهمة لكل باحث عن وظائف، Alwadifa، الوظيفة العمومية

البحث عن شغل في المغرب: باش نوضحوا واحد المسألة للشباب ليلاه خذاو ديبلومات أو لديجا خدامين و كيقلبوا على وظائف Wadifa أحسن و مزال معارفين فين يقلبوا على Alwadifa أو Stages PFE.

كاينين بزاف مواقع البحث عن شغل Sites d’emploi فين تقدر تبدا تسيفط السيرة الذاتية CV وكل موقع مختص فشي مجال معين أو شامل و لكن جميعها كتختلف لا من ناحية جودة الخدمات و العروض المقدمة و حتى عروض العمل لمنشورة فيها.

7 نصائح ل البحث عن شغل في المغرب

1) لبغا يخدم مع الدولة فكاين موقع واحد فقط رسمي لهو emploi-public.ma و لعنده تطبيق رسمي على Google Play و من الأفضل تيلشارجيوه.

ما تبقى من المواقع لكتنشر عروض وظائف العمل للدولة أو لإحدى مؤسساتها العمومية فهي فقط وسيط و كتنقل عروض العمل من الموقع الرسمي emploi-public.ma و كتحطوا عندها، و هي بذلك كتحاول توصل ليك المعلومة ايلا مثلا مدخلتيش للموقع الرسمي فكتسهل عليك الطريق أو كدير “إشهار” لعروض عمل ديال الدولة.

موقع Alwadifa-maroc.com فقط كيدير كوبي كولي عروض Wadifa ديال emploi-public.ma وخا هاد الآخير متوفر بجوج لغات (الفرنسية و العربية)، و نفس الشيء بالنسبة Alwadifa-club.ma فهو كوبي كولي لموقع Alwadifa-maroc.com و كيعتمد على صفحته في الفايسبوك و العناوين المثيرة باش يجلب زوار و هاد القضية خدامة ليه مزيان !

2) بالنسبة لبغا يخدم أول مرة أو كيقلب على سطاج عن طريق Anapec فكاين موقع واحد رسمي لهو Anapec.org، وخا فيه التسجيل عن طريق الأنترنت فكنصح أي واحد يمشي برجليه لأي Agence قريبة ليه و يحط Dossier دياله و على الأقل يدوزوا معاه Entretien باش تكون عنده فرصة يعيطوا ليه.

و بالنسبة لعروض العمل لكتكون في قطر، الإمارات، كندا .. كتنشرها Anapec في موقع skills.ma

باقي المواقع لكتنشر ليك “مطلوب 700 عامل أو حملة توظيف 1400 موظف أو وظائف في مناصب لا تقل عن 9000 درهم” هي فقط كدير كوبي كولي من موقع Anapec و كتزيد فيه باش تجلب عدد زوار كبير بديك العناوين، و مع ذلك بحال هاد المواقع “الباحثين عن شغل” كيزوروها و في الأخير كيقوليك مكيناش خدمة، و الخطأ لعنده أنه كيقلب في الموقع الخطأ.

3) بالنسبة لباغي يخدم عن طريق Cabinet de recrutement فكاينين بزاف منهم و كل واحد و طريقته في الخدمة و كاين لمختصة في مجال معين أو خاصة ببروفيلات معينة.

مثلا Tectra خاصة بالوظائف Intérim، أغلب الخدامي فيها مفيتاش 6 أشهر و مع ذلك كتقدم وظائف لا بأس بها بالنسبة للناس لكيبغيو يبدلوا الخدمة كل مرة، ما يعاب على Tectra هو أنك مكتلقاش هاد عروض العمل على موقعها و لكن تقدر تلقاها في مواقع أخرى نقلا عن إعلانات لكيديروا Chargé de recrutement ديالهم في LinkedIn.

كاين Adecco و Manpower و Chrono intérim و Diorh و Crit و Maroc Cadres و Micheal Page و Dekra و Rekrute Academy و Krow و غيرها….

هادي أغلبها كطلب بروفيلات عندها Expérience و يا إما بروفيل Technicien spécialisé أو Bac+3 فما فوق أو بروفيل Ingénieur و أغلب العروض منشورة في LinkedIn و كياخدوها مواقع أخرى بحال cdicdd.com كينشروها باش يقربوها للباحثين عن شغل أو باغين يبدلوا الخدمة.

لخاص يعرف كل واحد هو أن هاد Cabinet de recrutement مكتخدمش ايلا مكانش شي شركة طالباها باش تخدم ليها شي واحد فشي بوسط، و بالتالي Cabinet كتاخذ نسبة على حساب Salaire ديال داك Poste و هاد النسبة كتوصل ل 30% كتاخذها من عند الشركة المشغلة.

4) بالنسبة للمواقع بحال ReKrute.com أو Marocannonces.com أو emploi.ma أو m-job.ma فهادوا مواقع لكتلوح عروض وظائف مدفوعة الأجر عن كل إعلان، يعني مخلصة على كل إعلان كتقراه.

الشركات لكيحطوا إعلانات في ReKrute.com أغلبها شركات عالمية أو شركات مغربية كبيرة و كطلب بروفيلات عندها ديبلومات صحاح كيما كنقولوا و عندهم Expérience و CV ديالك كيمشي ديركت للشركة ماشي الموقع (وخا تكون مسجل فيه)، إذن العيب الوحيد عند Rekrute هو أنه مخصص للناس لعندهم تجربة و قليل فين تلقى طالبين بروفيل débutant و ميزته أنه كيوضح ليك الإعلان (الشركة، تخصصها، البروفيل المطلوب، الامتيازات…).

بالنسبة Marocannonces.com معروف و لكن المشكل الوحيد هو أنك مكتعرفش لمن سيفطي السيرة الذاتية CV ديالك و مكتعرفش آشمن شركة و مؤخرا ولا فيه les arnaques بزاااف و هادشي لخلاه بدا يفقد التنافسية دياله فيما يخص عروض العمل Alwadifa، و مع ذلك مزال عليه إقبال من عند البعض لعلى و عسى ..

5) كاين بعض المواقع لمتخصصة في مجال معين من عروض العمل لكتنشر، مثلا بالنسبة لباغي يخدم في Centre d’appel كنصحوا بهاد الموقع فقط لا غير : moncallcenter.ma

من غير هادشي فاحتمال كبير تطيح ضحية نصب صحاب Formation في المواقع الأخرى خصوصا في Avito و Marocannonces

بالنسبة لباغي يخدم في مجال الصحة كاين santeannonces.ma

و كاين موقع آخر خاص بالسطاجات، كتحط فيه بروفيل ديالك و كتسنى يعيطوا ليك و مع ذلك قليل فين كيعتمدوا عليه الشركات باش يلقاو سطاجير، الموقع هو Stagiaires.ma

6) بالنسبة لباغي يخدم في Freelance في المغرب فقط فكاين موقع لا بأس به لهو freelancer.ma.

7) و أخيرا مواقع البحث عن شغل لكتنشر وظائف Alwadifa “من كل فن طرب”، يعني كتاخذ شوية من هنا و شوية من لهيه و هي مواقع معروفة عند البعض بحال site d’emplois généralistes de recherche d’emploi :
1- cdicdd.com
2- Dreamjob
3- Toutaumaroc

موقع البحث عن شغل cdicdd.com موقع وظائف كيعتمد بالأساس على عروض العمل لمذكور فيه جميع التفاصيل عن الشركة و الخدمة و ضروري ميحط تحت كل عرض Email الرسمي ديال الشركة فين تدفع، و مصادره من LinkedIn و المواقع الرسمية E-recrutement للشركات.

الميزة دياله هو أنه وخا العروض كتقدام كيبقى عندك Email ديال الشركة باش كل واحد من بعد يقدر ياخد داك Email و يدفع Candidature spontanée دياله باش يطلب خدمة أو سطاج، يعني يقدر يصايب BDD Emails RH.

موقع Toutaumaroc كينشر العروض أغلبها من Anapec و شوية من LinkedIn و شوية من Plateforme de recrutement ديال الشركات بحال Dreamjob .. لكن العيب فيه هو أنه كيستعمل العناوين المثيرة و “كيزيد فيه شوية” و أغلب العروض كيجمعها وخا قديمة و كينشرها.

بالنسبة لباغي يعرف المواقع لكتنشر عروض العمل يمكن ليه يطلع على Classement من خلال هاد الرابط على 70 موقع البحث عن شغل مرتب حسب جودة الخدمات و عدد الزيارات لإحصائيات Alexa.

و كيبقى لكل واحد حرية الاختيار فين يقلب على خدمة أو سطاج.

ملاحظة أخيرة : ايلا كنتي كتعتمد في بحثك عن عمل أو سطاج على موقع وظائف واحد فقط و مجابش الله، فمن الأحسن تبدل الموقع و جرب مواقع أخرة.

هاد المقال سبق ليا نشرته على الصفحة الخاصة بموقع cdicdd.com وبارطاجاوه الناس بزاف في مجموعة من الصفحات والجروبات الفايسبوكية :

  • Comment trouver un travail
  • Trouver un travail rapidement
  • Trouver Emploi au Maroc
  • Comment trouver un travail au Maroc
  • Guide pour Trouver Emploi au Maroc
  • Comment trouver un travail rapidement
  • Guide pour Trouver un travail
  • Trouver un Emploi au Maroc
  • Comment Trouver un Emploi Maroc
  • Comment Trouver un Emploi au Maroc
  • Job et recrutement au Maroc
  • Comment trouver un travail sur Maroc