شرح كامل التسجيل في انابيك بالعربية والمشاركة في عروض عمل Anapec

انابيك Anapec برنامج حكومي يساعد الشباب و حاملي الدبلومات للولوج لسوق الشغل و البحث عن وظائف Wadifa بالمغرب وكذا الوظائف بالخليج وبعض دول أوروبا والمشاركة في عروض عمل Anapec.

أنابيك – Anapec تعتبر من جهة أخرى الوسيط المهم بين المشغل و طالبي الشغل خاصة في مساعدتهم على العثور عن وظائف شاغرة.

شنو هي انابيك ؟

أنابيك – Anapec الوكالة الوطنية لإنعاش التشغيل والكفاءات؛ برنامج حكومي و مصدر يسهل و يساعد الشباب وحاملي الدبلومات الولوج لسوق الشغل والبحث عن عمل، حسب القدرات و الكفاءات المتوفرة لدى كل باحث عن وظيفة، وتعتبر من جهة أخرى الوسيط المهم بين المشغل و طالبي الشغل خاصة في مساعدتهم على العثور عن وظائف داخل المغرب وخارجه بدول الخليج في قطر والإمارات العربية المتحدة والسعودية؛ وكذا بفرنسا وكندا.

هناك مجموعة من الشباب و أرباب العمل الذين يرون الوكالة الوطنية لإنعاش التشغيل و الكفاءات الأنابيك على أنها تقدم أداء و خدمات مرضية على عكس البعض الأخر الذي لا يقتنع بما تقدمة الوكالة من تهميش أدنى شروط الموظف فيما يتعلق بالأجور والعقود حيث يرونها غير منصفة في حق طالب العمل أكثر ما تحمي المشغل.

و من أجل الانخراط و التسجيل في الوكالة الوطنية لإنعاش التشغيل والكفاءات أنابيك – Anapec يجب أولا التسجيل عبر الموقع الإلكتروني الخاص بها.

شرح خطوات التسجيل في انابيك Anapec

1– أول خطوة هي أن تقوم بالتسجيل في موقع الانابيك على الانترنيت http://www.anapec.org وتملأ جميع المعطيات المطلوبة في استمارة التسجيل و يجب أن تكون صحيحة إذ يتم التأكد من صحتها بشكل مدقق.

خطوات التسجيل عبر موقع الوكالة الوطنية لإنعاش التشغيل والكفاءات أنابيك – Anapec كالآتي :

  • التوجه إلى الموقع و الضغط على الحيز المخصص للمترشحين Créer votre espace candidat
  • ستظهر الصفحة الخاصة بالتسجيل في الوكالة Inscription
  • تملأ جميع المعلومات المهمة Identification من (تحميل الصورة، الاسم، النسب، رقم البطاقة الوطنية، المدينة، العنوان البريدي، كلمة السر …)
  • ملأ معلومات تخص المؤهلات الدراسية Formation عبر اختيارات حسب التخصصات.
  • ملأ معلومات تهم التجارب Expérience والخيارات إن كانت.
  • ملأ معلومات عن المهارات Compétences التي يتوفر عليها كل مرشح.. وهي مهمة جدا، كاللغات التي تجيدها ومستوى تمكنك منها؛ ثم Outils bureautiques du pack office وهي البرامج المكتبية كبرنامج تحرير النصوص وبرنامج قواعد البيانات وبرنامج العروض التقديمية وبرنامج القوائم المحاسبية وغيرها.
  • ملأ معلومات اختيارية كالهواية والنشاطات الاجتماعية Activités extra-professionnelles
  • تحميل السيرة الذاتية
  • و أخيرا الضغط على أيقونة التسجيل Valider في الأسفل لإرسال إستمارة الانخراط.

2– بعد حوالي أسبوع من التسجيل بموقع انابيك Anapec عليك أن تذهب لأقرب وكالة أنابيك بمدينتك لكي تكتمل عملية التسجيل بالوكالة و للتأكد من المعطيات التي قد قمت بملأها في الموقع.

و لتأكيد التسجيل يرجى التوفر على بعض الوثائق الضرورية والتوجه بها إلى أقرب وكالة.

تتمثل هذه الوثائق فيما يلي :
– صورة شمسية؛
– نسخة من السيرة الذاتية ( cv )؛
– نسخة من بطاقة التعريف الوطنية مصادق عليها؛
– نسخة من الدبلوم مصادق عليه؛
– نسخة من مختلف التجارب و الخبرات المهنية.

3– سيطلب منك ملأ ثلاث استمارات و من بعدها اختبار شفوي Entretien تترازح مدته بين 15 و 30 دقيقة مع أحد الموظفين بالوكالة للتأكد من المعطيات التي قدمتها و لتحديد نوع المنصب الذي يلائمك مقارنة بالشواهد و القدرات التي تمتلكها.

4– بعدها ما عليكم سوى زيارة موقع انابيك Anapec على الانترنيت و ستجدون فرص شغل تناسبكم قومو باختيار المباراة التي تناسبكم و بعدها سيتم استدعائكم للوكالة لاجتياز اختبار مع مسؤلي الشركة التي اعلنت عن المباراة.

معلومات عن عروض عمل Anapec

خاصك تدخل للكونط وتبوستولي لعروض العمل اللي نتا مهتم بيها حيتاش أغلب الناس غالطين راه لانابيك ماتايشدوش CV هوما تايجيبو عروض عمل Anapec وكينشروها في الموقع، ونتا اللي خاصك تجتاهد وتدخل كل مرة بدون ملل أو كلل حتى يجيب الله التيسير.

إيلا شفتي باللي راه ماتايجاوبوكش يعني راه كاين مشكل :

  • يقدر يكون الدبلوم ديالك ما مطلوبش فسوق العمل وهنا خاصك تتسجل فشي تكوين ديال الوكالة (اللي هو مجاني) وكايتيح ليك تعرف شي مهنة أخرى تقدر تدخل بيها لسوق العمل.
  • يا إما راك غير تاتعفط على postuler بلا ماتقرا أش طالبين وعندك تقني متخصص بحال تقني بحال qualification وهنا كاتكون أغلب المشاكل حيتاش أغلبية المترشحين ماتاتكونش فيهم الشروط اللي طالب المشغل.
  • خاصكم تنتابهو حتى للخبرة اللي تايطلبو فعروض العمل بعض المرات.
  • نصيحة للناس اللي تاتمشي للسيبير cyber يصاوب سيرة ذاتية CV، راه خاصك تصاوبو راسك أولا ملي تمشي عند المستشار فالتشغيل يوريك كيفاش دير تصاوبو، وكيفاش دير دوز entretien حيتاش الأغلبية ماتايعرفش حتى يقدم راسو أو يهضر على التجربة ديالو، وهذا مشكل كبير فالمغرب حتى واحد ما باغي يطور راسو كلشي كايلوم الناس الآخرين
  • الإخوان خدمو على راسكوم مزيان راه مابقاش زمان الحوفار، راه هاد الزمان بغا العقل وشي مهنة تكون تاقنها وعندك ماتقول أو أضعف الإيمان تكون متمكن من داكشي اللي قريتي.

Contrat Anapec عقد أنابيك

كتقلب على خدمة او جاك عرض عمل وهو بعقد انابيك و معرفتيش مادير ؟؟ و خايف ماتسنيش ؟؟ عندك تخوف تقبل او ترفض و تندم من بعد ؟ الحل ساهل تبع معايا هادشي لي جاي مزيان و ركز معايا لان القانون لا يحمي المغفلين عرف حقك و عرف واجباتك و ماتخافش.

أنابيك – Anapec الوكالة الوطنية لإنعاش التشغيل والكفاءات مؤسسة عمومية عندها الاسقلالية المالية و المعنوية، وهي تحت الوصاية ديال وزارة الشغل، و جميع الخدمات ديالها مجانية و كنسطر عليها بزوج سطورا “جميع الخدمات ديالها فابور” و تبع معايا مزيان النشاط ديالها كيتفرق على 3 المحاور كبرى :

1- الوساطة فسوق الشغل بين المشغلين و للباحثين عن العمل لي هو نتا.

و هادا سميتو برنامج ادماج Contrat insertion ou Contrat ANAPEC سميوه لي بغيتو، دبا علاش دار هاد كونترا انابيك علاش مايكونش كونترا عادية (CDD / CDI) حيت هاد لي كونترا عادي مكيزعموش عليهم الشركات و ماكيبغيوش اخدمو شباب لي ماعندهمش خبرة بهاد نوع ديال كونطرا حيث ببساطة فيها مجموعة من الالتزامات و التكاليف للمشغل و كيدير بناقص وكيجيب سطاجير احرث بيه ولا تايخدم فالنوار باش الدولة توضع حد لهادشي خرجو مفهوم جديد سميتو عقد ادماج لي هو عبارة عن سطاج ايه سطاج مع وعد بالعمل و لكن ماشي بالضرورة تخدم مني تسالي غي بلاتي متزربش و تبع معايا مزيان.

هاد عقد انابيك فيه مجموعة من المميزات للمشغل و للباحث عن العمل، بالنسبة للمشغل مكيخلصش الاقتطاعات ديال cnss و ديال TFP بالنسبة للباحث عن العمل مكيخلصش الضريبة على الدخل IR و كيستافد من التغطية الصحية الاجبارية AMO غاتقوليا علاش مايستافدش من cnss او التقاعد مزيان.

رجع لشنو قلت فاللول نتا لحد الآن غي سطاجيير خاصك تكون واعي بهادشي و المشغل قلنا مكيخلصش عليك cnss و نتا كذلك فكيفاش بغيي تستافد منها و نتا مخلصتيهاش و اصلا الصندوق حريرتو حريرا و غي خليو داك الجمل راقد.

المهم مني غاتمشي تسني كونترا خاصك بطبيعة الحال تقراها مزيان و الحاجة لي مفهمتيهاش سول عليها من حقك و مافيهاش عيب و خصك تعرف بلي ممكن تستقل او ممكن اجري عليك المشغل فأي وقت و هادشي خاص اقولها ليك فاللول نهار سينياتير.

عندك الحق تستافد من كونترا انابيك اذا مافاتش 6 شهور نعطيك مثال اذا خدمتي بعقد انابيك و دازت شهر او شهرين او حتى خمس اشهور و خرجتي او خرجوك فعندك الحق تستافد من عقد انابيك اخور.

اذا جاب الله لقيتي خدمة بكونترا انابيك اما اذا فتي 6 شهور د الخدمة و خرجتي فمعمرك باقي غاتستافد من كونطرا انابيك حيت لسبب بسيط الدولة غاتعطيك زوج فرص باش تستافد من عقد انابيك لي فيهم المميزات لي قلنا فاللول و مغاتبقاش ديما تخلص عليك الضريبة و على المشغل الاقتطاعات و نتا تبقا تبدل من خدمة لخدمة و ديما بعقد انابيك و هادشي فيه ردع للمشغلين باش مايبقاوش ادخلو و اخرجو ناس و استغلو المميزات لي فالعقد ( قلنا متيخلصش الضمان الاجتماعي و الضريية على الكوين المهني).

و خاصك تعرف ان المشغل حتى هو اذا مالتزامش اخدم 60% من ناس لي دار ليهم كونطرا انابيك فراه معمرو غايستافد مرة اخرى من هاد المميزات مثلا اذا شي شركة خدمات 10 ناس ب سطاج /كنطرا انابيك فكيلزمها تخدم بعقد (CDD / CDI) على الاقل 6 اذا تايبقا الحل هو تفرض راسك تكون مابين دوك 6 و تبين على حنت اديك.

واحد القضية قبل منساها هادشي كاملو فاابور انابيك مكتاخدش منك ولو درهم واحد اذا قاليك المشغل ديالك راه اقتطعنا ليك شي حاجة حيت هادي مقابل ديال انابيك حيت عي سبب حتى تلاقينا ولاشي لعيبة عرف بلي غي هو لي قطعهم ودارهم فجيبو انابيك مايمكنش بقوة القانون و مايمكنش اصلا دخل فلوس من هادشي و خاصك تعرف كذلك ان عقد اناييك اقل حاجة فيه هو 1600 درهم و اكثر حاجة هو 6000 درهم و اقصى مدة هو 24 شهر اي عامين كتسالي كونطرا تلقائيا اما كتفارقو اما كيحولها لكونطرا عادية حلالا طيبا و نتا سطاجير خاصك تفرض راسك باش ترسم معاهم ان شاء الله.

و دبا مني عرفتي هادشي كاملو عرفتي لي عليك و لي من حقك فنتا غاتعرف واش تسني كونطرا انابيك او لا و اذا بغيي رأي ديالي غي سنين احنيني او لا حنينتي و توكل على الله وان شاء الله اكون خير .. مدبرها حكيم.

2- التكوين واعداد يد عاملة كفأة كتناسب لمتطلبات سوق الشغل (كدير دورات تكوينية على حساب دراسة كديرها كتبين لها كل جهة فالمغرب اشمن نوع د الخدمة مطلوب فيها اولا الشركات فديك البلاصة اشمن خصاص عندهم و عليها كيلونصيو دورات تكوينية باش الشباب اتكونو واكون عندهم دبلوم فداك التخصص و اقدر اخدم هادشي فابور ولكن ماشي غايخدموك من مورا الدورة التكوينية لا فيق معايا هما كيتنبأو فقط نعطيك مثال (فجهة الدار البيضاء مثلا الدراسة عطات ليهم بلي كاين خصاص فعمال مجال الفندقة فهما كيلونصيص دورة تكوينية للشباب لي بغاو هاد المجال على اساس اكون عندو دبلوم و مني تجي شي شركة تتقلب على هادشي كيعيطو ليك) هادا طرقناه هادي سميتها Formation qualifiante de reconversion.

3- توجيه و مرافقة حاملين المشاريع او auto-emploi عندك مشروع باغي تبداه معارفش ولا غرام على كفاش تأسس شركة او اشمن نوع د الشركات الوراق لي خاصك المهم كلشي كتمشي لاي اجونص انابيك قريبة ليك كتاخد معاهم موعد و كتكمل معاهم و فيها بزاف د الخوايج اعاونك فيها و اوججهوك حتى باش تلقى التمويل عند جهات مختصة كالمبادرة الوطنية للتنمية البشرية الى غير ذالك و شخصيا كنصحوكوم تاجهو لهاد الاتجاه دير مشروع ديالك وخا يكون يسيط و هما غادي اعاونك و هادشي فابور و كنسطر عليها و اذا شي حد بغا يطلب منك شي مقابل دير بيه شكاية و من الاحسن كتابية و صرعها و تفرج ديك الساع و غاتسمع خبارو، القانو لا يحمي المغفلين.

هادشي بخلاصة اهم ادوار ديالا اناييك نتمنا تكونو ستافدتو و ماتبقاوش تخليو شي واحد اضحك عليكم و سولو على هادشي لي قلت ليكم و تأكدو منو راه كوكول راه اي اجونص انابيك مشيتي ليها سولهم غايشرحو ليك كولشي تحركو ترزقو و ماتنساوش تبارطجيو تنفعو غيركم الله اسهل على الجميع تحركو ترزقو.